八方剛剛收到強積金管理局嘅新年報，見到許仕仁份「行政總監報告」，有啲感觸。正如許老爺在文首所言，今次肯定係佢最後一份報告，因為佢喺八月已離開積金局，退休去也。可能係咁，許老爺並冇講去年積金局嘅威水嘢，反而寫咗不少肺腑之言；八方睇過唔少總裁報告，呢份都算感性。
例如說到強積金條例限制投資比重，最近惹起投資公司及立法會議員的批評，許仕仁就認為積金制度是社會福利工程，而非推動財金界的發展，故此「政界中人實毋須為此等事宜費神」；談到限制收費，許仕仁就駁稱「我們不應低估計劃成員的判斷力及理解力。畢竟，一分一毫都是他們的」；呢啲都係有的放矢有感而發。積金制度好處，許多年後才見；沙士期間，一度有停供之議，好彩許老爺頂得住，但佢去咗禮頓山睇馬聽歌歎世界之後，打工仔就要小心了。
傳真︰2623-9278
電郵︰