目前全心全意教窮家孩子英文嘅楊鐵樑噚日打電話畀八方，話要澄清一段關於佢個孫仔嘅報道。楊官話，佢嘅第二仔個仔，唔知點解成為地中海貧血病嘅帶菌者，但係肯定唔係要輸血咁嚴重嗰一種。
「個孫仔好活潑，又食得，牛扒、叉燒照食。」楊官一邊講，楊太一邊提佢個孫係第二仔個第二仔，唔好搞錯。
楊官話，自從消息一出，佢兩夫婦收到唔少朋友來電問候，但係佢個孫其實唔係如報道講得咁嚴重。
至於點得到呢個病，佢話一說係遺傳，但實際情況都唔清楚，只係知全港有四百幾人染上此病。
傳真︰2623-9278
電郵︰