七十九歲的馮尾姑婆婆，一生未享過兒女福，長女失婚，自顧不暇；幼子染有毒癖，不幸於五年前橫死。馮婆婆當年因為無力葬兒，胡裏胡塗將殮葬事宜交由政府處理，結果兒子被葬於沙嶺公墓，近日已到期起骨，年老體弱的馮婆婆，希望領回兒子遺骸重新安葬，惜她無法負擔有關費用，蘋果日報慈善基金即時撥款解困。
九八年對於馮婆婆來說，是最難受的一年，因為她的老伴和幼子於該年先後去世。「阿華五月過身，我老公就十一月唔喺度，當時個心真係痛到不得了。」說起五年前的往事，馮婆婆依然一臉傷感。
馮婆婆育有一子一女，長女早婚遷出，兩老一直與幼子張炳華同住。阿華性格沉鬱內向，直至中五畢業投身社會工作，阿華才首次邂逅異性，未料卻因而令他身陷萬劫不復之境。
華仔的姊姊張女士表示：「我細佬當時喺茶餐廳做嘢，識到個女仔，後來重結埋婚，不過，冇幾耐佢哋就分開咗，我細佬因為接受唔到呢個打擊，開始成個人變晒。」
其後阿華以毒品來麻醉自己，雖然家人多次好言相勸，但軟弱的他還是無法抽身，毒癮發作的時候，阿華更不惜以身犯險，最後阿華亦命喪毒品之下，九八年五月五日，阿華懷疑吸食過量毒品，被發現伏屍於大廈梯間，終年四十一歲。
「做父母嘅，總望兒女好，阿華最後有咁嘅下場，我實在又傷心，又激氣。」最令馮婆婆遺憾的是，當年她在不知情的情況下，誤將自己的亡兒送往公墓下葬，害得他墓前冷清。
馮婆婆紅着淚眼說：「知道阿華出事之後，我哋兩老經已六神無主，加上當時個女又唔喺身邊，冇人商量，警察同我哋講，如果冇錢搞後事，可以交畀政府處理，我哋都唔明白乜嘢意思，就矇查查簽咗紙，後嚟先知佢哋將阿華葬到咁偏遠，拜山都要申請，好陰功。」
馮婆婆刻下的心願，就是重新安葬兒子的遺骸，可惜經濟緊絀的她一直無力了結這件心事。在旁的張女士歎道：「我都問過政府，佢哋話細佬已經夠期起骨，如果今次再唔去認領，就會將骸骨火化之後放去『亂葬崗』，不過要領番嘅話，就要畀番當年入葬嘅錢，連埋今次執骨、火化、買骨灰龕同靈位嘅費用，夾夾埋埋都要萬幾蚊。」
獨居的馮婆婆現時依靠綜援金維生，五十一歲單親的張女士則任職家務助理，收入低微，兩人均無力負擔該筆殮葬費。蘋果日報慈善基金有見馮婆婆境況堪憐，撥款一萬二千元，助她完成心願。捐款編號：C1123
暖流熱線
電話:29908688
傳真:23702192
電郵:
網址：