啱啱過咗嘅周末同周日，唔知各位有無去睇過部富士全新Legacy嘅首展呢？部車個賣相係咪好正呀？響一眾同級日本車之中，部新款Legacy都可謂至新又見賣相出眾；亞Mark聽聞代理想拓展部車嘅市場空間，除咗加有Turbo嘅B4GT版本外，佢哋亦正考慮引入埋2.0公升嘅自然吸氣NA型號，匹配上超卓又見安全性嘅恒式四驅AWD裝置，響一眾對手環伺下，都有佢嘅賣點㗎！之不過，吸引班買家最緊要重係個價錢，若然一切順利的話，明年上半年響香港，2.0公升車走房跑類嘅型號，可能又會多一個好選擇㗎！