如果大家早前有留意我哋德國法蘭克福車展嘅現場報道的話，相信都應該記得法國雷諾車廠，曾展出一款能乘坐七人嘅GrandScenic，新車不但造型與新款普通版Scenic一樣吸引外，靈活多變嘅車廂布局更係賣點所在呢！
將於明年初推出嘅GrandScenic，由於車長較普通版Scenic長230mm，而軸距亦增多咗50mm，故此令車廂空間有所增加，不但令每位乘客可享有更舒適嘅乘車環境外，響變成三排座椅配搭後，更可搭載七名乘客㖭！與其他RV一樣，新車座椅布局亦可按需要而改變，除可將中、後排座椅完全收摺，以增加尾廂載物容量外，而座椅更可獨立收摺，以便擺放較長嘅行李。
另外，廠方亦為新車安排有1.6公升（115匹）、2.0公升（136匹）及2.0公升Turbo（165匹）引擎供用家選擇，以切合不同需要咁話。