梁詠琪（GiGi）的全新專輯《我想我唱》本周五推出，最近分別有兩本周刊報道她和鄭伊健的感情，一本指兩人早於前年已在加拿大秘密註冊結婚，另一本則說兩人感情告急，昨日GiGi經理人公司陳小姐回應說：「GiGi根本冇結婚，話佢分手就更無聊，佢兩個感情根本冇嘢，真係多謝佢哋喺GiGi出碟時搞啲咁嘅新聞。」
在今次大碟中，GiGi以十多款不同造型示人，而她今次更大施「髮」術，炮製出多款不同的髮型，其中星戰公主造型是GiGi最喜愛的一個，GiGi說：「今次喺造型上，我特別試咗好多唔同嘅髮型，其中類似星戰公主嗰個look我最鍾意。好感激公司今次可以畀我一個咁大嘅創作空間，可以真正做到『我想』同『我唱』呢個夢想。」