今期最紅手機非數碼通獨賣的SharpGX22莫屬，瘋狂程度就連機未出街已出現炒價。而GX22獨有的26萬色顯示及320×240超高解像度，數碼通亦物盡其用，特別為GX22度身訂做為睇片王，兼且獨家提供《無間道II》預告片！今日《蘋果》就聯同數碼通送出3部SharpGX22，想親身感受睇片王魅力，即刻答妥以下問題Fax嚟喇！
記者：劉耀祥
攝影：梁細權
ImageGirl：Kate
SharpGX22
$3,780（上台價）
$4,380（淨機價）
PROFILE
制式：GSM900?1800?1900制式
顯示器：
（內芒）26萬色?TFT?320×240像素
（外芒）6萬5色?STN?80×60像素
鏡頭：35萬像素
體積：94×49×25mm
重量：102g
查詢：28802688（數碼通）
數碼通獨家引入Sharp多媒體手機，當然傾盡全力去催谷，除了手機功能強橫之外，更配搭大量娛樂資訊等用家玩餐飽，就好似之前GX12就特別搵多間著名遊戲商開發遊戲，將GX12變成「打機王」。而今次GX22就唔單止打機咁簡單，皆因其強勁之26萬色彩芒，加上320×240超高解像度，影相效果已經靚人一大截，就連睇片都相當出色。所以數碼通就獨家提供《無間道II》預告片畀用家下載，收費$5一次亦唔算貴。
叫得睇片王，數碼通當然唔會得個預告片Download咁簡單，除咗可以睇電影之外，自己拍嘅短片一樣可以玩餐飽，皆因透過數碼通「形影Send」服務，可將短片Send畀其他攝錄手機慢慢睇，就算對方唔係攝錄手機，都會收到SMS，到指定網頁及安裝軟件一樣可以睇到自己嘅大作。
而GX22既可以玩20秒拍片、又可以玩七色閃燈影相，數碼通就特設「話畫Send」服務，除了一般Send相之外，更可以將相片Send去私人電腦，可以留番更多記憶體儲相。
SharpGX22靚芒加上強勁功能，相信好多人都好想擁有，再加埋睇完以上嘅介紹，係咪好有衝動買番部玩？不過唔使心急住，因為數碼通今日就送出3部GX22畀《蘋果》讀者，辦法亦好簡單，只有將以下兩關嘅答案填妥在參格表格內，Fax嚟就有機會㗎喇！
考眼力
GX22具有26萬色TFT顯示器，不論顯示圖像及文字都醒過人，當然都要用家好眼力先睇得出個26萬色靚喺邊，第一關就考考大家眼力，齊齊數吓呢個杯內總共載有幾多粒七彩水晶星星，快啲用你精明嘅眼數數佢，然後將答案填在參加表格內。（提示：數目在200至300粒內）
配對題
GX22玩閃光燈玩得出神入化，七色閃燈等用家可以完全營造不同氣氛相片，想要乜嘢Mood都得。以下就有4幅相就係用上七色閃燈嘅其中4隻色，好眼力嘅你就將對應嘅顏色配番，之後請將答案填在參加表格內。
A.黃色 B.藍色
C.紅色 D.綠色
1.參加者須將答案填妥在參加表格內，並聯同個人資料*，傳真至27420542?23075869，即有機會獲獎。
2.遊戲時間為今日早上10:00至下午5:00，過早或逾時均作廢。每人只限參加一次，每次只可傳真一張表格，多過一張者以第一張為準。
3.答中所有問題的頭3名參加者各得到SharpGX22手機一部，以及首月月費***。
4.如沒有參加者答中全部問題，則以答中最多問題及答案最接近者獲獎。（答案相同則以傳真時間**較早者得獎。）
5.得獎者將有專人通知。
6.為公平起見，《蘋果日報》及數碼通員工、家屬不得參加是次遊戲。
7.《蘋果日報》對賽果保留最終決定權，參加者不得異議。
8.所有獎品之保養由獎品供應商負責，《蘋果日報》一概不負責。
‧必須憑報紙上的參加表格才可以參加遊戲。
*參加表格上之姓名須與身份證相同，否則將被取消資格。
**以本報傳真機所顯示的時間為準。
***若得獎者為數碼通用戶，將不獲贈送月費；若得獎者為非數碼通用戶，可獲贈首月月費（$80?700分鐘）。