一家係以自製担担麵馳名遠近的詠藜園，一家係以榴槤班戟等特色甜品譽滿港九的滿記，兩家城中著名食店聯手組成新店，取名「詠藜園滿記」，將在黃埔「蔡瀾美食坊」詠藜園旁的舖位開張。
對於今次合作，詠藜園老闆娘楊太形容係「無心插柳」，佢哋經常到對方的店吃東西，喺上年在一個研討會上認識後，經常相約到處試食，至於合作組成新店，卻由本身係兩店熟客嘅一名藝人撮合，但佢就死都唔肯講邊個。
造就新店的另一個主要人物係政務司司長曾蔭權。據知，煲呔都係詠藜園熟客，佢向詠藜園老闆娘建議一個有助刺激本土經濟、製造就業機會的經營構思，便是以「貢品」為名的構思，當時楊太只當是「天馬行空」，但後來開設新店的計劃日漸成熟，各方都認為大有可為。不過楊太唔肯透露細節。據知，「貢品」不會是固定的菜式，可能是一些失傳的食品，希望能透過特別的經營方式造福社會。
傳真︰2623-9278
電郵︰