多得日股唔少，日經指數因為日圓兌美元勁升，大散463點，恒指唔見95點。不過情況唔算太壞，有啲紅籌同藍籌重好硬淨。
短期內，大市反覆可能性大，吼低位執恒指Call輪炒波幅可以諗吓。9870與9921分別喺年底同明年1月夠鐘，溢價唔貴，槓桿率唔細，係比較適合嘅對象。可以等恒指再跌100點左右，撈些少貨，等恒指反彈一二百點散水。
九倉（004）微跌20仙，收18.35元，前周最低18.10元，昨日最低亦係呢個位，可能已見底，若再見18.10元，吼低揸啲Call輪，博反彈，對象係9585，11月到期，輪價29.5仙，負溢價0.1%，槓桿率6.2倍。
電盈（008）連跌3日，昨收4.775元，單日唔見7.5仙。若今日續跌，可以細細注博正股反彈，吼Call輪，對象係9791，隻輪明年3月到期，輪價68仙，溢價8.4%，槓桿率7倍。溢價表面上唔算低，但其他電盈率溢價重高（槓桿率更大），想跟貼正股贏輸，9791始終最啱炒。
章盛