「絕對係一個喜訊，嗰陣時又話唔畀養，又話要扣分，真係唔知點算。」飼養西施北京雜種狗已三年的公屋住戶袁小姐，知道房屋署放寬條例後，不安的心情終於踏實下來。她一邊撫着心愛小狗FanFan的背脊，一邊說：「養開都有感情，已經當佢係朋友咁。」
「如果真係唔畀養，即使送畀人都唔會有人要，咁即係叫我送隻狗去死。」袁小姐又說，自八月初以來房署收緊條例後，一直與FanFan過着偷偷摸摸的日子。「隻狗好似唔見得光咁，陌生人嚟到，都會叫佢匿喺床底下，平時要喺凌晨三四點先至敢出去放狗。」但修改條例後，現在終於可以光明正大地養狗了。
對於房署修改條例後依然不讓住戶飼養大狗，袁小姐替那些住戶不值，但對於自己日後是否會因為條例放寬後再添養狗隻，她即時耍手擰頭地說：「唔夠膽再養啦，因為叫我夾硬要離開佢真係太傷心，費事第二日再重新建立多一段感情，到時都唔知點算。」
「希望房署可以通融下，佢都咁老啦，等佢安安樂樂過埋呢幾年就算啦。」面對可能因為房署最新條例生效後就要面臨生離死別的吳先生，看着養了十幾年、垂垂老矣的都柏文狗「阿光」，表露出百般的捨不得，而體形差不多有主人一般大小的「阿光」則垂頭喪氣，彷彿知道主人的心事般。
任職司機的吳先生獲悉新建議下公屋不得飼養二十公斤以上的狗隻，他指着「阿光」，「佢都已經瘦哂啦，其實都係一隻狗，又唔咬人又唔吠，從來都冇住戶投訴過。」吳先生表示，政府不讓公屋住戶養狗，自己已盡量低調，住在十二樓的他，平時放狗都會選擇走後樓梯避免乘搭升降機。縱有萬般無奈，吳說，「如果真係要強硬唔畀養都冇辦法，冇理由為隻狗搞到屋都冇得住。」