民主黨噚日喺旺角行人專用區擺檔，猛叫啲後生仔關心政治，十一月投票去選區議員。可惜天公不作美，晏晝無端端落大雨，成條街嘅人都靠邊行，企喺度捧場嗰十零人全部都係自己友。
冇法啦，原來𠵱期好紅嘅嘉賓講者「儍強」杜汶澤，突然有事去唔到，市民冇得聽佢發表7.1遊行嘅感受，如果唔係，最鍾意睇明星嘅香港人一定圍觀。
好彩重有「超人」林超榮撐場，佢重冒雨送大禮，向市民大派代表「自由」嘅豉油，又送「凡事有得揀」嘅「番梘」，同可以「護法」嘅洗頭水。超人一出，即刻多番幾十人捧場，你估到底係超人受歡迎，定係香港人貪心攞贈品呢？
傳真︰2623-9278
電郵︰