演藝學院友誼社前晚舉行「演藝星河」籌款舞會，玩具大王蔡志明夫婦、九巴後人雷兆光林靜怡夫婦、郭秀雲龐傑夫婦和李桂蘭等盛裝出席。雷林靜怡大談湊仔經，她表示為湊仔返學，返回自己讀書時代晨早七時起床，她說：「𠵱家唔使鬧鐘都知醒，重有十幾年要捱，再生多個，咪得番棚骨。」
郭秀雲則透露兒子未到去Ball的年齡，所以留在家打遊戲機，她說：「佢𠵱家十三歲，成一百四十磅，啲手腳好似樹枝咁粗，身形成個十六歲嘅青年咁，變晒聲，不過個腦就得八歲，長肉唔長腦，遲啲會送佢去英國讀書。」
此外，李桂蘭透露在英國的大宅早前接受周刊家居訪問後，竟不幸遭賊連環爆竊，損失古董餐桌和銀器，她說：「好彩有買保險咋，上次香港屋企又係咁，影完相冇耐就俾人爆竊，好邪！以後都唔好亂影，最多影吓皺紋，唔見都唔拘。」
採訪、攝影：RitaLeung
