若然大家有留意到我哋早前德國法蘭克福車展嘅現場報道的話，或許你哋會認同亞Mark嘅睇法：近年明顯有唔少車廠，留意到高性能跑車市場嘅空間，並有多款新車跟車迷見面。
然而，一直只聞樓梯響嘅意大利Bugatti，旗下一款VeyronEB16.4跑車，打從由概念車至今，經已亮相咗一段時間，最近廠方終於解決埋一套半自動波系統嘅問題，相信好快會跟車迷正式見面喇！呢部用上W16汽缸引擎，以及4Turbo組合嘅超級跑車，自從Bugatti車廠納入德國福士集團後，廠方響雄厚資金嘅支持下，就經已好努力咁研製，期望早日有新車重登汽車舞台嘛！遺憾呢部時值100萬歐元（未連稅）嘅SuperCar，暫時僅有左軚版生產，惟早前香港福士代理曾透露，佢哋亦兼埋Bugatti呢部VeyronEB16.4嘅分銷工作，瞄頭梗係有深厚潛力嘅大中華區同國內市場啦！若然你對部車有興趣，唔介意只得左軚版的話，就不妨向福士代理查詢吓部Bugatti新車嘅詳情喇！