最近由保利藝術博物館搵番嘅豬頭銅像，已經喺上個禮拜六由六人組成嘅「豬頭保鑣隊」以近乎走私嘅方法，運返北京。運送過程相當詭秘，保鑣抵達首都機場之後，首先有一位保利代表從行李輸送帶攞起一個上咗鎖嘅木箱，然後走到海關申報通道，其實豬頭並非藏喺木箱裏面，而係裝喺一個黑色尼龍袋入面，由另一位代表當隨身行李咁抱到實。
內地通訊社大洋網話，保利計劃將豬頭連同三年前喺香港投得嘅牛、虎、猴頭，四件獸頭一齊喺圓明園展出，時間初步定喺下月十八日，即係火燒圓明園嘅一百四十三周年。
傳真︰2623-9278
電郵︰