下個月七號生日就二十五歲嗰幾百位男男女女請留意，因為各位同沙田馬場同一日生日，除咗有蛋糕食之外，重可能會有足金馬同免費機票做生日禮物。
十月七日係沙田馬場銀禧紀念日，唔知馬會準備咗幾多個生日蛋糕慶祝？馬會答應，凡親一九七八年十月七日喺香港出生嘅市民，都會有免費生日蛋糕食，重可以登記抽獎，被抽中嘅二十五個幸運兒，重會得到一隻足金幸運馬同一年馬場入場券㖭。
馬會又會喺二十五個壽星仔女當中抽三人，每人送出兩張來回機票，目的地係日本、韓國、印度、新加坡、澳洲、新西蘭是但一個國家，幸運兒有權選擇。登記熱線係1817，詳情可瀏覽馬會網址：
（圖）二十五位十月七日生日嘅二十五歲市民，有機會得到呢隻足金幸運馬。
傳真︰2623-9278
電郵︰