林青霞與思捷環球老闆邢李㷧婚後生了兩個女兒，連同邢的前妻張天愛所生的長女嘉倩，邢家已經有三個女兒。有說青霞一直盼為邢家添一個男丁來繼後香燈，所以今年雖已四十九歲，仍然未有放棄完成此心願。有消息指青霞兩個月前去看婦科，發現自己有了身孕。
日前有記者曾向青霞求證此消息，她既沒承認亦沒否認，只哈哈大笑，記者昨日曾致電其好友陶敏明，但她十分口密，只說：「我真係唔方便講，呢啲係佢（林青霞）私人事，我哋咁好朋友，我真係冇嘢可以講。」
而青霞閨中好友、詩韻老闆娘康虞珠廸昨日接受電話訪問，對青霞到法國醫院婦產科檢查說：「去睇婦產科就一定有咗㗎咩？唔一定啫。」有傳林青霞高齡懷孕，康太表示不知情，她說：「唔知喎，我都係啱啱返香港。」