保安局局長李少光噚日結束為期四日嘅內地訪問，臨離開廣州前，破天荒同記者飲早茶傾偈，自爆佢前晚同四位同事，每人用五毫子人民幣搭當地嘅平底渡輪夜遊珠江，之後重去咗沙面一間叫「橋美」嘅酒家食蟹皇粥當消夜，點知一入到酒家，竟然有當地嘅市民認得李局長，重大聲嗌：「呢個唔係就係李少光囉！」李局長鬼咁尷尬，即刻匿咗入酒家最入面個位度。
估唔到李少光只係做咗保安局局長個幾月，多得葉太23條光芒嘅剩餘效應，耶穌有咁嘅風光，彼得亦唔輸蝕，知名度已經去到廣州，睇嚟佢係時候同佢位喺電視台做小小生嘅公子，學吓點樣面對珠三角fan屎。
傳真︰2623-9278
電郵︰