甚少公開亮相嘅李國寶二公子李民斌，日前與大佬、東亞銀行總經理李民橋（Adrian），齊齊以嘉賓身份出席該行贊助嘅新城財經投資講座。
洋名Brian嘅李民斌外形俊朗，學成之後，雖然未有步父兄後塵，成為賓架，但工作亦與金融業有關，就係做基金管理，現為亞洲策略投資管理董事，亦係呢間公司嘅創辦人之一（co-founder）。
該公司另一個創辦人亦係名門之後，就係剛獲委任為希慎興業董事總經理嘅利子厚。
利家與李家都係本港顯赫世家，門當戶對，一齊做生意，又點愁冇客路呢？
講起利子厚，原來利公子喺佢讀工管碩士嗰間美國波士頓大學管理學院（BostonUniversitySchoolofManagement，SMG）搞咗一個專業計劃（ProfessorshipinManagement），用佢爸爸名義設立，因為利老先生正正係SMG嘅高材生。
（圖）李民斌（左）同大佬李民橋（右）齊齊亮相，十分少見。
傳真︰2623-9278
電郵︰