劉德華昨日和張栢芝往旺角出席《大隻佬》宣傳活動，有傳內地禁止有與內地合作或協拍的香港電影報名參加台灣金馬獎，違規者將被封殺，所以中國星已放棄將劉德華主演的《大隻佬》報名角逐本屆金馬獎。
問華仔會否覺得電影不應涉及政治因素，他說：「每個國家有每個國家嘅制度，好似美國奧斯卡金像獎，冇美國資金投資嘅港產片都唔可以提名，只係可以角逐最佳外語片，睇吓點取捨啫。」
昨日記者致電向中國星老闆向華強太太陳嵐求證，她說：「據我所知內地主要係不滿上年金馬獎接受違禁片角逐，先會有呢個政策。」向太續說：「有啲戲冇依例就喺內地偷拍，喺內地列為禁片，而台灣又俾呢類片角逐，先會惹來不滿，𠵱家咁多戲要打內地市場，所以中國星今年惟有唔將同內地合作嘅戲報名參加金馬獎。希望台灣方面可以盡快同內地有共識。」
此外，昨日心情甚佳的栢芝，除戴上一條綠色水晶和卡地亞的戒指及手鈪外，她一出場即向在場人士飛吻。對謝霆鋒日前指栢芝為他的兄弟，問栢芝想做謝霆鋒的兄或弟時，她說：「唔講呢啲問題。」
採訪：陳梅香 攝影：仇志德