譚詠麟﹙阿倫﹚前晚出席音樂頒獎禮慶功宴時，不停講自己名字的上海話，原來其讀音與廣東粗口「×你」甚相似，阿倫更忘形地指着在場人士大叫「×你」，路過的華仔也為之愕然，更笑說以後有人講這句粗口，表示正在呼喚阿倫。
譚詠麟、李克勤、劉德華、梁詠琪、Twins及陳慧琳等前晚於上海出席完「第三屆全球華語歌曲排行榜頒獎禮音樂會」後，隨即出席慶功宴。阿倫在慶功宴上玩得忘形，竟在電視台拍攝下不停講音似粗口「×你」的上海話。阿倫與克勤將於月底在上海舉行演唱會，被問到有否學幾句上海話時，阿倫即謂：「你知唔知我個名譚詠麟嘅上海話點講？係×你。」原來阿倫的全名譚詠麟，以上海話快速讀出，讀音與廣東粗口「×你」相近，結果惹得哄堂大笑。
華仔剛好行過，他不知就裏以為阿倫當眾講粗口，為之愕然，阿倫見狀更加興奮，在電視台拍攝下不停指着華仔及在場人士狂說：「×你！」
後來克勤說：「佢初時講我知我都嚇一跳，以為佢問候我呀，我哋平時咁講就話講粗口啫，但到咗上海演唱會，順理成章第一句就咁講啦。」阿倫自鳴得意地說：「我第一次聽到時覺得好親切。」而華仔則諷刺他說：「咁你每次聽到，咪以為好多人叫緊你？下次啲人咁講即係叫緊阿倫呀。」
華仔將於二十七日（周六）生日，大會於慶功宴上安排蛋糕為華仔預祝生日。華仔前晚捧走「最受歡迎男歌手獎」，在出場時有歌迷還丟六支螢光棒上台以示歡迎，但意外地丟中華仔的腳。華仔與梁朝偉合唱《無間道》得兩獎，提到《無間道Ⅲ》中，二人會否與黎明合唱主題曲，華仔說：「冇所謂，不如秋生同志偉合唱主題曲，我哋唱插曲。」有指華仔與黎明在片場互相監察，華仔說：「我從來唔會互相比較，我唔睇playback。」
記者王連連、何國豪上海直擊
