出身自英皇3T的Yumiko，由3T推出首張唱片，到她個人發展至今，前後才一年多，以其精湛舞藝突圍成功，不止被人冠以舞后及性感女神的稱號，還成為百萬小富婆，奮鬥十四個月已有名有利，比起許多人，她已是十分幸運。
Yumiko的性感形象，更廣受男fans受落，不少網站都把她列為男fans的性幻想對象，她瞇着眼笑說：「人哋都係留意我，至會有幻想啫。」
那麼她的性幻想對象又會是誰？Yumiko說：「性幻想有好多嘢嘅，未必諗住要同佢點，但我幾鍾意碧咸，我又唔會幻想同佢點，只係覺得呢個人好正同靚仔，男人中算好性感。」
上次皇馬來港作賽，一眾球星夜訪楊受成兒子楊其龍有份投資的酒吧Dragon-i，當晚楊受成及英皇孖T劉思惠（Maggie）及蔣雅文（Mandy）均有到場，還藉機與球星合照。可是，Yumiko因有工作在身沒有出現，與碧咸緣慳一面，確令她飲恨不已，她說：「嗰次就嘥晒啦，後尾楊生猛咁show張同碧咸嘅合照畀我睇，又問我羨唔羨慕呀，成個細路仔咁，其實楊生可以好穩重，但佢又好玩得。」
在事業上，Yumiko也很順利，不過她覺得自己內涵不足，仍需惡補，她說：「我都有讀完中五嘅，但個人係唔夠墨水，唔夠內涵，𠵱家要睇多啲書充實自己，講係好老土，但真係學海無涯。」
Yumiko這麼努力學習，問她是不是擔心被勁敵黃伊汶趕上？她滿有自信地說：「競爭係會有，但唔係要鬥到你死我亡，各有各做啫。」
加入英皇以來，Yumiko從沒正式放過大假，縱使這位人氣偶像不時被雜誌評頭品足，解構全身服飾有幾潮，但她至今竟然沒有到過日本這個藝人潮地，人家在討論日本有多好玩時，Yumiko卻得個恨字，她最快要後年才有機會出國。
因為Yumiko的經理人霍紋希曾跟她說：「你喺紅館開到演唱會之後，就畀你放假啦。」Yumiko聽後登時洩了氣，她無奈地說：「𠵱家去住深圳先啦，橫掂二十四小時通關。」
Yumiko自知未夠歌，也未夠氣開個唱，要去日本？就要看她何時才有本事踏上紅館台板。