港台每逢周六播出嘅電台節目《政黨論壇》，由於節目內容電台都有得聽，所以除非好大件事，否則冇乜記者親自出席。
噚日節目主題係律政司要求女長毛雷玉蓮賠錢一事，主持謝志峰開咪前，見到無綫、亞視同有線三個電視台嚟齊，非常驚訝，脫口而出話除咗23條，好少見本地電視台咁齊人。有出席論壇嘅政黨代表常客紛紛搭嘴，話細價股事件都同樣咁墟冚。八方估計梁愛詩斷估唔到，一封律師信會咁惹火。
不過女長毛都算畀面政府，講到明會遵守臨時禁制令。但明年一旦香港主辦世貿部長級會議，外國嗰班反全球一體化嘅職業示威者殺到，涂謹申笑稱，佢哋真係唔會學女長毛咁守法。
傳真︰2623-9278
電郵︰