百足咁多爪嘅伍德良，一向喺飲食界好活躍，八方經常向佢打探行內最新情況，點知噚日喺一個招聘會上撞到佢代表英國保誠保險招攬人手，職位重係高級營業經理，嚇咗八方一跳。
良叔叫八方唔使驚，佢重係香港餐飲聯業協會創會會長，不過做保險已經有近一年，佢話：「最初為飲食業行家研究啲保險問題，搞搞吓熟咗，咪做埋一份囉！」佢重話，連個名嘅「德」字都改埋做「得」字，叫八方以後寫佢個名要改吓手勢。原來一個月前有位高人提點，話佢原先個名只會一世付出，好辛苦，所以就改名喇。
（圖）周身刀嘅伍德良已經改名伍得良。
傳真︰2623-9278
電郵︰