北京邊個先至係香港事務嘅最高負責人？親中報章引述本地傳媒話中央政治局常委曾慶紅先至係真命天子。係人都知，大陸永遠有「兩個牌子，一套班子」，政府個牌對外，做門面；黨內一個先至係掌實權話事人。喺中共中央，有個港澳工作協調小組，呢個先至係堅料，傳聞話曾慶紅係小組主席，唐家璇同廖暉都只係副組長。
原來曾慶紅今次南下廣東，除咗見兩個特首外，重特別向廣東領導提出咗粵港合作三點要求，就係「一國兩制，互惠互利同顧全大局」，佢重講明要充分發揮「一國」嘅優勢。
佢明知連廣東都睇唔起老董，所以要佢哋唔好小器，大局為重。所謂「人必自侮然後人侮之」，我哋唔爭氣要中央出手打救，冇法啦。
傳真︰2623-9278
電郵︰