舊年擺咗八十大壽嘅諾貝爾物理學獎得主楊振寧教授，噚日出席教統局同科大合辦嘅資優生課程證書頒發禮，做主禮嘉賓。當佢致辭後，主持人請佢唔好走落台住，失驚無神話因為十．一國慶就嚟，大家有啲嘢要唱，係人一諗梗係以為要唱國歌《義勇軍進行曲》。
點知出席嘅二百四十名學生一齊企起身，高唱「Happybirthdaytoyou……」，令到楊教授都有啲意外，跟住重有人送上一束鮮花。原來十月一號除咗係國慶外，亦係楊教授嘅生日，即將八十一歲嘅佢，收到呢份咁意外嘅禮物，顯得好感動，當堂心花怒放。
（圖）除咗生日歌，楊振寧重收到一束鮮花。
傳真︰2623-9278
電郵︰