梁漢文、陳文媛、張敬軒、組合2R和E-Kids，昨日在中環出席「RoadshowLive－九月全城熱唱音樂會」。
2R成員黃婉伶（Race）昨日心情非常低落，她說：「我同戴夢夢及唐詩詠一齊幫本雜誌影封面，點知原本三個人宣傳套電視劇，變成我一個人濕身同胸前有陰影嘅相，我覺得好尷尬，好似俾人出賣咗咁，我同夢夢同公司，唔想俾人覺得公司偏心我。」Race更邊哭邊說：「件事我唔敢同爹哋媽咪講，佢哋咁放心俾我哋嚟香港發展，但好似喺度賣淫咁，以後幫雜誌影相會小心啲。」
此外，有傳許志安和蘇永康首場「安康演唱會」中，有市民報警指現場有觀眾放屎蜢，問他們的好友梁漢文可知此事？他笑說：「點會有屎蜢㗎，我冇睇第一場，但我每晚都有打電話畀佢哋，都冇聽佢哋提起，我覺得係惡作劇。」
