想投得全隊皇馬球星簽名嘅球隊主場球衣，就要留意九月二十七日香港外國記者會為保良局旗下學校獎學金籌款搞嘅慈善舞會，皇馬球衣正係用嚟籌款嘅拍賣品之一。
唔係皇馬迷，重有其他選擇：奧雲簽名足球、有碧咸、施文、奧雲、謝拉特等簽名嘅英格蘭作客球衣、米高佐敦簽名籃球、姚明簽名籃球等，好多重附有真迹證明書，唔係講笑。
除咗幫學生讀大學，前港澳辦主任魯平媳婦、著名小提琴家姚珏亦忙於搞獎學金，專門協助貧苦學生進修音樂，不過暫時只接受小提琴四級以上學生申請。姚珏同八方講，佢七個月大嘅囡囡，老爺魯平至今都未見過，皆因老爺喺國內好忙，惟有等到佢十一月去珠海，兩爺孫先有機會見吓面咋。
傳真︰2623-9278
電郵︰