「我的志願」係小學生作文的必備題目，八方細個時都作過，但同好多朋友一樣，十居其九最後份工都唔係嗰回事。香港首富「超人」李嘉誠原來小時候嘅志願唔係做企業家，而係做醫生，亦諗過做大學教授。佢重話曾想過多次，如果有機會上大學，自己一生會有乜嘢改變呢？
唔知係咪近年和黃拓展海外業務屢受批評及挑戰，有感而發，超人噚日主持汕頭大學開學禮時，就勉勵同學追求更多知識之時，亦要追求智慧。佢話喺全球經濟一體化的世界，呢場追求效率及效益最大化的混戰之中，生命可以變得很無情，人生可以很迷失，我們每一天要快人一步，根本沒時間停下來，好好思考到底需要一個甚麼樣的新典範。佢重話，我哋必須反思人性的迷失能否復歸？佢個人深信，教育可以令迷失的人性復歸喎。
（圖）汕頭大學設計學院院長（中）帶「超人」（左）同一眾學生傾吓偈。
傳真︰2623-9278
電郵︰