林文龍及廖碧兒昨日在西灣河一快餐店拍攝《皆大歡喜》，但林文龍比原定時間遲了差不多兩小時，對此他說：「我阿爸朝早食嘢時鯁親，佢直頭鯁到休克，所以我家姐就即刻叫白車送咗佢入醫院，因為咁樣我成日嘅工作都有變。不過我都要多謝TVB咁多位同事同醫護人員幫手，佢哋車我去醫院之外重幫我改晒個工作次序。」
林文龍透露其父已醒過來，但其母則緊張至落淚，問他的女友郭可盈會否到醫院探望？他說：「佢收工之後應該會到。」據林文龍透露，其父由於患上嚴重柏金遜症，所以兩年前曾做過一次大手術。
郭可盈昨日要拍劇，晚上約七時乘食飯的空檔到聯合醫院探望林父，林文龍和母親在醫院門口迎接，林文龍說：「以前太忙，經過這次事件，我會慎重考慮，希望可以盡快同可盈結婚。」而郭可盈則說：「其實不嬲都有考慮結婚，同世伯嘅病係兩件事。」林父患有柏金遜症，這兩年只認得郭可盈一個，可盈說：「林文龍成家人都好錫我，可能我平日成日𠱁佢笑，所以至認得我啦。」
採訪、攝影：卓美娟