「𠵱家積蓄都使得七七八八，早排我就返咗大陸搞我同先生嘅結婚證明文件，咁樣我先可以攞番佢喺銀行戶口嗰萬幾蚊出嚟，不過就要去到北京咁遠，嗰度都使咗幾千蚊。」四十八歲的陳女士說。
陳女士的五十七歲丈夫阿鴻，於今年三月底前往廣州，其間腸胃不適入院治理，並於四月底證實感染沙士，病情急轉直下，於五月二日不幸去世，客死異鄉，遺下三名年齡十九至二十六歲的子女。
「其他病都話可以畀屋企人探、煲啖湯畀個病人飲，不過沙士呢個病，屋企人就唔可以留喺病人身邊支持佢，真係好慘。」陳女士道出沙士病魔無情之處。
陳女士歎道，丈夫出事前已失業多時，子女雖已畢業，惟卻無一找到工作，只靠以往辛苦儲起的積蓄維持一家五口的生計。丈夫患病期間入住內地醫院，前後共花了數萬元住院費及醫藥費，可謂雪上加霜。不過，陳女士暫未打算申領綜援。
蘋果日報慈善基金月前曾於「援助非典型肺炎受難者」專戶撥款二萬元予陳女士應急，近日另將善長捐款合共九千五百元交予她簽收。
「我先生過身之後，多得你哋蘋果基金同埋工商界成立嘅基金撥咗啲錢畀我哋。阿女話爸爸死得咁慘，啲錢應該用番喺爸爸身上，所以我就買咗個好啲嘅骨灰位畀佢，等佢住得舒服啲。」陳女士含着淚說。
捐款編號：C0952
暖流熱線
電話：29908688
傳真：23702192
電郵：
網址：