梁詠琪（GiGi）前晚特地到銅鑼灣某戲院入場欣賞自己主演的新片《向左走．向右走》，以了解觀眾反應，現場有大班GiGi歌迷入場支持，當電影播映完畢時，GiGi眼濕濕地說：「套戲我睇咗兩次，都仍然覺得好感動，而且我冇諗過除咗首映外，都會有觀眾拍掌。」
GiGi謂對於新戲上映六日，即有七百多萬票房感到非常滿意，她期望票房能突破千五萬，問GiGi其男友伊健可有捧場，她說：「佢好忙未睇呀，如果我再陪佢睇，我就睇第三次㗎喇。」
GiGi又表示戲中女主角跑到街上大叫男主角的名字時，令她很感動，她說：「𠵱家科技發達唔使咁啦，我入行時都試過錯失緣份，我唔會主動去搵人，我怕食檸檬呀。」
採訪、攝影：陳梅香