「近年日本同外國品牌家電產品，售價已不斷下調，同中國產品比較只係貴少少，好多國內名牌喺香港都唔賣得。」港九電器商聯會副主席屈漢強認為，雖然國貨電器搶攻市場，但短期內不會對主流電器市場有太大衝擊，「相差一千幾百蚊，香港人會買日本貨定MadeinChina？」
國內大型家電中心來港大展拳腳，屈漢強稱，業界普遍持觀望態度，因為在香港人印象中，國產電器在品質控制方面始終未及日本或外國產品，而且維修保養服務也未臻完善，「可能有啲顧客會貪新鮮，因為價錢平而嘗試買國產電器，不過本地電器商就唔係太擔心，因為客路唔同，我哋相信暫時唔會有大影響。」
他又指出，國內電器傾銷場毛利十分低，主要靠龐大銷售量支持盈利，但香港成本較高，要維持盈利相信要更龐大銷售量才可達致收支平衡，「我相信如果國產電器銷量唔好，佢哋會轉型售賣外國或日本電器嘅比例，始終較受香港人受落。」
