立法會休會兩個多月，上個立法年度被23條等事務纏身嘅主席范徐麗泰難得鬆一鬆，除咗幫婦女界帶隊上京面聖，原來重去咗好多地方歎世界，包括巴黎、多倫多、羅省同埋泰國嘅華欣。
范太話，咁多個地方最好玩係華欣，嗰度有如世外桃源，朝朝去打高爾夫球，不知幾「梳乎」。
區議會選舉在即，范太話，有不少好友邀請佢拉票，不過佢身為立法會主席，要力求中立同公正，只可以隔岸觀火啦。佢又重申，直到佢主席任期屆滿前，都唔會透露究竟會唔會參選出年嘅立法會。
（圖）范太講起去旅行歎世界就笑到見牙唔見眼。
傳真︰2623-9278
電郵︰