何韻詩最近成為護膚產品代言人，前日她在元朗拍攝電視廣告，十五秒的廣告竟拍了十二小時，全因何韻詩被潑水動作考起，要洗臉二十次才完成。她又謂為了積穀防饑，會把六位數字的廣告酬勞儲起。
何韻詩被邀成為Neutrogena的DeepClean系列代言人，大會更隆重其事，花過百萬製作費宣傳。她前日在元朗嘉龍片場拍攝廣告時說：「我好開心，因為我喺加拿大讀書時已經用過呢個品牌嘅產品，佢哋話睇中我皮膚好，同埋有個人風格。」
何韻詩前日穿上白背心，坐在沙發上對着水晶球做戲及潑水洗臉，為了要拍攝水花四濺的效果，她洗了二十次臉才完成，每次洗臉後，亦要補妝，由早上拍至夜晚，拍足十二小時，但性格貪玩的她並不覺辛苦。
何韻詩又透露為求以最佳狀態出現，近幾星期要戒吃刺激食物，她說：「我好為食，尤其鍾意食零食同薯片，呢幾個禮拜，我戒食辣嘢、酸嘢同熱氣嘢，特登食多啲生果，飲多啲水。」
另外，首次任護膚品代言人的何韻詩，酬勞已達六位數字，她一臉雀躍地說：「幾多錢唔講得，不過都有八、九分滿意，我係好婆仔性格，會留番啲錢將來用，積穀防饑呀，冇咁快諗退休，呢行咁唔穩定，儲定錢安心啲。」
採訪、攝影：JessicaNgan
