Eason：一世睇胸唔麻木
豪情對話　古仔：搵港大測試性能力

古天樂和陳奕迅（Eason）昨日在中環為新片開工，二人跟一名半裸上身的女演員合作，Eason表示不會因為看得多裸女而麻木。有報道指古仔的性慾只有四成，他解釋那只是看女孩子的觀感，至於性能力是否仍有一百巴仙，則要測試一吓。

古天樂和陳奕迅（Eason）昨日在中環一間的士高拍攝新片《豪情》，劇情講述二人在夜總會任司儀，大玩《百萬富翁》遊戲，而當時他們正跟一名半裸的女演員演對手戲。
古仔早前接受訪問時自爆性慾只有四成，他說：「我話嘅四成係睇女仔嘅觀感，唔係嗰方面嘅能力。」那古仔現時的性能力是否有一百巴仙，他又說：「咁要搵港大測試吓。」原來古仔在拍攝《豪情》時，有一場戲是跟谷祖琳玩SM（性虐待），古仔說：「我唔明SM咁辛苦，有乜好玩？」古仔早前在內地一個音樂頒獎禮得獎，被李克勤暗寸並非實至名歸，身邊的Eason即力撐古仔。

「城城送碟畀我」
該片中會有一首歌改編自羅文的《獅子山下》，不過卻故意配上有味的歌詞，屆時古仔和Eason會合唱，Eason在現場竟哼着郭富城的歌曲，但他以前講過四大天王只買張學友的唱片，Eason說：「城城近排送咗隻新碟sample畀我。」究竟城城和Eason的新碟哪張好聽些？Eason說：「不相伯仲，我覺得城城嘅《微涼之後》好聽。」問到Eason剛才望完半裸女演員的胸部，看得多性方面可會麻木，他說：「我呢世都唔會麻木，男人個胸搽咗油都好睇！」

「病咗冇性衝動」
此外，古仔日前在新加坡接受當地傳媒訪問，對於台灣的一個選舉選出古仔是最令女性心動和有性衝動的男藝人，問到怎樣的女性會令古仔有同樣反應，他說：「若要心動，需要長時間接觸，至於性衝動，我最近病了留在家中，十分空閒，都冇性衝動。」
採訪、攝影：卓美娟