「唔好玩喇，斟杯生啤啫，有幾難呀？」可以答你，斟杯泡一半酒一半的生啤，一點不難。但要你7分鐘內，完成落單、洗杯、斟酒所有環節，最後送到客人面前的生啤，泡與酒還要有指定的比例，這難度極高，難得可以此作比賽……
記者：陳漢榮 攝影：梁細權
模特兒：Cinmi、Christine、Arco、昆仔（RichStrategy）
場地：地球吧
Arco與昆仔是酒鬼一族，一星期總有三晚買醉，劈天光視作等閒，但甚少飲生啤，更遑論斟生啤的經驗：「斟生啤好難咩？咁都可以搞比賽，要見識吓嘞。」Cinmi很少蒲吧，見識少又自以為有見地：「我估呢個比賽玩法好簡單，要斟到杯生啤無泡先為之勁。」一齊嚟趁熱鬧的Christine搭嘴：「係呀，無泡咪大杯啲、抵飲啲囉。」無泡，所以大杯，大杯，所以抵飲，很符合邏輯，但實情呢？
原來一杯完美生啤，要求泡與酒有準繩的比例，正式盛載生啤的酒杯，近杯口對落約吋半位置會畫上橫線，這橫線就是泡與酒最準繩的分界點。Stella是明天舉行的斟啤酒大賽的21位參賽者之一，有數年吧枱經驗，自問斟生啤有一手的她也欠信心，因只得7分鐘時間去完成所有比賽環節：「Alwaysoverrun！」容易超時。「真係咁難？」Arco始終懷疑，用盡方法迫Stella露兩手。
怪招博少泡
既然泡酒的比例要求咁嚴格，咁有冇簡單啲嘅方法來達到完美效果？夾硬捉住Stella幫我哋測試，工具？好離奇！
漏斗斟酒 勉強掂！
着Stella用漏斗斟生啤，動作生硬搞鬼，但技術搭夠，泡多了點，出來的一杯生啤雖未盡完美，勉強可以上枱，飲得落肚。
百寶茶壺斟酒 唔掂！
Stella拿此重身四川百寶茶壺已感吃力，斟出來的啤酒完全不起泡，失敗。
大戰當前的Stella當然不介意接受挑戰，露兩手，當熱身！
落單時4人故意擾攘，浪費了寶貴的2分鐘，Stella依然沒超時，睇嚟Stella在明天的大賽中，大有機會勝出，我哋撐你！
一眾人見Stella乾淨利落完成所有動作，心有不忿，一於要用行動挑戰，「你得我都得啦！有幾難？」昆仔自信十足，又睇睇點。
比賽名稱：StellaArtoisWorldDraughtMaster大賽2003
地點：銅鑼灣希慎道10號新寧大廈14號舖InnSideOut酒吧
日期：9月20日
時間：1:00pm至6:00pm
