剛剛返回英國繼續大學最後一年課程的徐子淇（Cathy），臨走時在銅鑼灣接受訪問時透露今次回英與以往有所不同，因為這次有妹妹相伴，她說：「妹妹過去讀大學一年級，我哋唔同學校，但都好近嘅，所以今次返去會搬離宿舍同妹妹租屋住，不過唔知租唔租到，因為大部份屋都俾學生喺網上租咗，而且嗰邊屋租好貴，兩房一廳要成萬五至萬六港紙㗎！」
問子淇會否與妹妹分擔家務，她笑說：「我負責洗衫同乾衣，不過唔會熨衫，我之前兩年都冇熨過衫，其他就妹妹做。」身處英國，子淇便成為妹妹的監護人，連她也說要管住妹妹，子淇說：「我唔會畀佢亂出街，因為佢係街童，會冇節制，到第日佢拍拖，就一定要將個男仔介紹我識。」
採訪、攝影：馮美茵