馬會行政總裁黃至剛竟然為咗間餐廳，專程老遠走去北京取經？真係講都冇人信，不過八方老友真係喺京城撞到佢，風塵僕僕上去瞓一晚就走。
話說八方老友前日去東方君悅飲咖啡，坐低冇幾耐就見到黃至剛同一位馬會朋友坐喺隔離枱歎茶，以為佢係嚟傾吓馬會喺大陸幾時可以開投注站啦，點知佢老兄話，只係馬會間餐廳新裝修，所以特登上嚟北京學嘢。
邊間餐廳咁巴閉，要黃至剛親自去睇呢？佢介紹咗東方君悅嘅「RedMoon」，有人彈住琵琶同二胡唱英文歌；同樣喺君悅、就快開張嘅「MadeinChina」裝修好靚；國貿飯店有間餐廳有條螺旋形樓梯；新東安廣場樓下個FoodCourt聽講都好有特色。估唔到嚟自獅城嘅黃總裁，肥彭年代委任佢入閘做馬會阿頭嗰陣，通街都話佢親台，跑到終點，至知咁有潛質，原來又係北京通。
傳真︰2623-9278
電郵︰