古天樂自出道至今，緋聞不絕。古仔表示每個男人對情慾要求都有不同，年紀小因好奇心，對性要求大，但隨着年紀長大，對性的要求便愈來愈少。古仔近年因工作太忙，令他對性的需求只剩四成，他亦認為怎樣也要有感情才可有性。
古天樂高大俊朗，所以予人有「𠝹女王」的感覺，由出道至今，一直緋聞不絕，但他覺得這個稱呼都是畀面而已。
古仔近日接受了女性雜誌《JessicaCode》訪問，他大談自己對情慾和擇偶的看法。古仔認為要有感情基礎，彼此要有交流，才會產生慾望。他說：「情慾有先後，我就未聽過『慾情』。」
男人普遍被指「鹹濕」，但古仔覺得男人是分階段性地鹹濕。他說：「細個未接觸過，愈好奇，慾望愈大；人長大咗，接觸嘅事物多咗，人生經驗亦豐富咗，對性慾嘅需求自然減低。到年紀大咗，更年期，就靠感情，邊度重有慾念？」
那古仔現在又處於哪個階段？他笑言：「我開始進入無慾嘅階段，太多工作，太多嘢諗，休息時間都冇，對慾念當然會大打折扣。雖然未至於無慾無求，但起碼減低咗百分之六十。」
問到古仔擇偶的條件，他提出三大要求，第一要靚；第二是大家可以溝通；第三是能夠照顧他和家人。古仔說：「老實講，我當然希望對方係靚女，盡量啦，外表其實都唔係咁重要，人始終會老，外表並唔可靠。」假如遇到心儀的對象，古仔會主動追求嗎？他說：「可能因為我見嘅人比較多，即使有呢個女人出現，我都會先冷卻，會問自己係咪佢。」
原來「𠝹女王」古仔亦試過被人拋棄，他說：「我覺得治療失戀嘅最好方法，就係瞓覺，瞓醒後可以忘記好多嘢。不過，忘記並唔係因為時間嘅過去，而係自己開始失憶。我最近問過腦科醫生，原來一個人長期唔夠瞓，腦部會缺少某一種蛋白質，呢種蛋白質唔會因為你再補瞓番而再生，所以記憶力會開始衰退，我就係人辦啦！」 撰文：比華利