無綫嘅電視城向來守衞森嚴，一般人不得其門而入係好正常，但八方諗唔到堂堂浸會醫院署理行政總監李川軍都被拒諸門外喎。
話說浸會醫院今年係創院四十周年，特別同無記合作製作一套特備節目，而軍哥噚日應邀出席有關節目嘅記者會。點知軍哥搭的士抵達將軍澳電視城門口，保安竟然話，任何人冇駐台證就唔畀入，叫佢喺接待處坐低等吓先。
呢一等就等咗二十分鐘，過晒開記者會嘅時間，記者見到都替軍哥不值，但佢就好氣定神閒咁話：「你哋（記者）唔使急，我都未入去，記者會唔會開始住嘅。」雖然記者會最後順利進行，但無記嘅待客之道係咪都應該檢討吓呢。
（圖）李川軍俾無綫保安攔住，但依然氣定神閒叫記者唔使急。
傳真︰2623-9278
電郵︰