組合Cookies的成員Stephy日前拍攝新歌《他不准我哭》MV時，突然失控淚如雨下，事後Stephy表示並非有所感觸和受失戀困擾，只是近期工作壓力太大和辛苦，拍攝時又太投入，幻想自己被男友拋棄，才會流下真眼淚。
女子組合Cookies的成員Stephy日前拍攝獨唱歌曲《他不准我哭》MV，導演拍攝時雖要求Stephy淚眼盈眶，但不需真的流出眼淚來。但到正式拍攝時，Stephy的眼淚卻像決堤般狂湧，令現場工作人員嘩然，導演見狀即叫工作人員急急拿紙巾給Stephy。
事後問Stephy哭得這樣厲害，是否有感而發？她回復笑容說：「梗係唔係啦！我只係太過投入，諗番起錄呢隻歌時好辛苦，嗰時又要趕拍《戀愛自由式》，連瞓覺時間都冇，自己又驚唱得唔好，所以壓力幾大。況且係獨唱歌，如果唱得唔好唔會有藉口。」
Stephy續說：「拍嗰陣我想像自己如果真係俾男友拋棄，感覺好淒涼，眼淚就自然流出嚟。現實生活中如果我俾男友拋棄，我會搵朋友訴苦同不斷學嘢充實自己，等時間過得快啲，可以快啲忘記佢。現階段我想有男朋友都難啦，有時間畀我瞓多啲覺好過。」
Stephy近來拍電影又拍電視劇，再加上大小宣傳，忙得唞不過氣。工作纏身的她，很少時間見到家人，就算近日生病，亦沒時間看醫生。Stephy說：「好彩媽咪得閒就煲湯畀我飲，等我有番啲溫暖嘅感覺。」
