鄧健泓（Patrick）曾於加拿大修讀美術，以前的功課便順理成章成為其收藏品，當中包括油畫及照片，其中一輯較突出的，是鄧健泓自拍三十九吋胸肌的照片。
在加拿大念美術的鄧健泓，現在還留着不少以前的作品，眾多收藏品之中，除了有其自畫像外，更有他為華人社區中心舉行的活動所設計的海報，不過最特別的莫過於一系列由Patrick親自擔任模特兒的照片，而這一輯照片當中亦記載了他與父親的一段往事。
鄧健泓說：「當時阿爸去咗南非，佢就叫我過去搵佢，但係我知道當地嘅歧視好嚴重，黃種人嘅地位係最低嘅，所以我決定留喺加拿大，不過之後佢就冇返過嚟，亦因為咁，我就唔可以繼續讀大學。」
Patrick更自爆當時自己擁有三十九吋胸肌的驕人身材，他笑說：「我影呢一輯相最主要想帶出一個希望種族和諧嘅訊息，所以我就分別喺自己身上油上黑色同白色，咁就可以反映到個主題係希望黑、白同黃三個種族嘅人可以和諧共處。其實我都有諗過搵人做model，不過我都係覺得自己身材好啲，所以就自己打燈玩自拍囉，我重攞到A++㖭。」
Patrick的收藏品中亦有一張自畫像，原來這幅畫是他要重做的功課，他說：「當時呢一幅自畫像只係得C，而且我painting方面好差，之後我要求老師畀我再畫過，其實油呢一幅畫時我係發緊脾氣，所以落筆時都好狠加上又油到啲顏色好厚，點知出嚟個效果又唔錯喎。」
