女子組合Twins成員鍾欣桐（阿嬌）近日為纖體公司拍攝泳衣宣傳照，拍攝期間，竟吸引了一隻蜜蜂追着她，工作人員即取笑穿比堅尼的阿嬌惹來狂蜂浪蝶。阿嬌估計是噴髮膠的香味，吸引蜜蜂追隨。
人氣組合Twins成員鍾欣桐是修身堂纖體公司的代言人，她日前穿上比堅尼拍攝廣告，但因為噴了噴髮膠，其香味吸引了一隻蜜蜂追着，於是阿嬌被工作人員取笑吸引狂蜂浪蝶。
拍攝期間，發生了不少趣事，阿嬌在戶外取景時，其上半身被曬得黝黑，但下半身仍然十分白皙，因此，阿嬌為了令膚色看來均勻些，便在下半身塗上深色粉底。正式拍照時，卻被一隻蜜蜂不停圍着她飛來飛去，更停留在她的粉頸上，嚇得她哭笑不得。阿嬌說：「可能因為我噴咗噴髮膠，啲香味吸引咗佢。」
阿嬌表示這次穿的泳衣款式跟早前拍攝的寫真集近似，她說：「呢次我同Shirley（張玉珊）一齊揀泳衣，揀到合心水先買，影完相佢重將所有泳衣送晒畀我。不過我都冇乜機會着泳衣，我隻手又唔夠力玩滑水。」
有報道指阿嬌的片酬已過百萬，她說：「我唔知，呢啲嘢都係由經理人傾，我都冇理。廣告酬金有冇加都唔知，總之我想做修身堂長啲嘅代言人。」阿嬌昨日更出發到上海出席音樂頒獎禮。
此外，修身堂老闆張玉珊大讚阿嬌拍攝時十分合作，她說：「我除咗會送嗰批泳衣畀佢之外，我重會任佢揀一件名牌衫，重想加佢酬金㖭！」
