梁詠琪（GiGi）早前出席電影宣傳活動時，戴了一條VivienneWestwood銀手鏈示人。問她是否VivienneWestwood的狂迷，她說：「又唔算，但係我有買開呢個牌子嘅首飾。」
GiGi續說：「上次行街嘅時候，見到條鏈覺得幾得意，加上我又鍾意CharmBracelet（吊着小飾物的手鏈），咪買囉，有時呢個牌子會有啲唔同嘅動物圖案鏈㗎！」GiGi望着手鏈時，像個小女孩，一副童心未泯的樣子。
問GiGi是否經常選購首飾？她說：「平時我都會特登買啲飾物嚟襯衫，因為襯起上身唔會咁單調，而我自己就最鍾意粉紅色嘅飾物。」