若然大家有留意我哋上星期法蘭克福車展現場報道的話，相信各位都經已睇過全新寶馬X3同6系嘅真身，係咪好正斗呢？前者係一部走年輕化路線嘅CitySUV，據知性能媲美同廠X5之餘，賣點所在重係價錢方面，相信會直接威脅一眾日本MPV車款。至於後者為重新推出嘅高性能豪華房跑車，以填補番寶馬響呢個級別嘅空缺喎！
香港車迷咪以為只係得個睇字呀！皆因據亞Mark打探所知，呢兩款個性迥異嘅新車款，好快便會投入生產線，而且聽聞向來積極嘅香港代理，重會響明年上半年正式引入㖭！正如全新5系就係一個好例證，響法蘭克福車展前，香港車迷就早着先機，除咗好以睇到部車嘅真身外，兼且重可以畀錢落訂，據知首批新車重會響今個月尾陸續抵港交車㖭！你都咪話唔厲害。所以話新款寶馬X3同6系，相信響不久嘅將來亦會跟大家見面呢！真係要拭目以待呀！