江欣慈早前與家人往歐洲旅行，當地氣溫高達四十度，阿慈與家姐江欣燕難抵酷熱，實行在外國放開懷抱真空上陣。旅程中，已婚的江欣燕發生的豔遇，竟然比妹妹阿慈還要多，令阿慈有點妒忌。
阿慈上月與家人到歐洲旅行三星期，分別到倫敦、巴黎及布拉格等地遊玩，阿慈表示今次旅程相當愉快，因為已很久沒有全家人去旅行。
談到旅程中最難忘的事時，阿慈即指是當地的酷熱天氣，她說：「喺巴黎時係最辛苦嘅，因為好多地方都冇冷氣，重要熱到成攝氏四十度，真係連內衣都唔願着。不過去到外國真空都冇乜所謂嘅，我哋經過大公園，嗰度有好大嘅水池，就忍唔住除鞋落去浸腳，其實個公園都有唔少人唔着衫喺度曬太陽，個感覺好似去咗沙灘咁，我都有諗過不如着泳衣出街。」
江欣燕就成了阿慈的私人攝影師，阿慈說：「我哋今次特登唔影啲企定定嘅相，用啲唔同嘅角度去影，我都覺得家姐影得好靚。」
問到阿慈此行可有豔遇？她即投訴說：「唉！我就冇啦，可能我個樣似外國人啩，問路嘅就大把，反而我家姐就有好多鬼仔同佢搭訕。」
全家人一起歐遊，是否由阿慈與家姐江欣燕夾份請父母？阿慈笑說：「啱啱相反，因為今次其實係我爹哋要去巴黎公幹，咁佢又怕媽咪悶，咪提議叫埋我哋去囉！所以全部食宿都係由我爹哋畀。」
採訪：胡比
