前高官任關佩英果然言出必行，不做無聲狗，有不平事就講出嚟。佢噚日喺有線電視嘅節目中又再爆心中情，第一次堂堂正正承認自己7.1有上街遊行。呢個問題，喺佢第一日上電台節目八方都有問過佢，但係任關總係神神秘秘，原來佢當日由愉景灣打完高球返香港，喺中環碼頭見到好多人遊行，之後返到屋企睇電視，心裏面就愈唔舒服，覺得唔應該坐享其成，於是就走出門口，上街去也。
任關原來都遇過好多單勁嘢，先至悟出重大事情要做得好，一定要掌握民意，爭取市民支持，好似23條，就肯定諮詢不足啦。
任關最佩服嘅人梗係唔係老董，亦唔係陳太，而係第一任廉政專員姬達，佢話當年姬達原本已經準備退休去做電話公司主席，後嚟毅然推咗份好工，答應做老廉阿頭，開山劈石，任關更視佢為師傅。
傳真︰2623-9278
電郵︰