曾蔭權呢輪雖然俾親中嘅政治周刊暗鏟，條命始終註定係「貴人」，佢老哥次次去美國都招風惹雨，當然嗰條在天主風雨嘅飛龍亦功不可沒。
話說兩年前，佢喺紐約同周梁坐住架飛龍船遨遊，第二日去華府，就發生咗九一一；今次佢特登押到九一七先抵達彼邦，原定香港時間噚晚喺華府見高官同議員，點知又撞正極大颶風依莎貝爾吹襲東岸，連布殊總統都吹走埋，你話佢個飛龍煲呔幾勁呢？
八方最擔心司長有冇俾風吹歪條呔呢？你知，煲呔一向藝高人膽大，7.1遊行都膽粗粗咁靜靜去銅鑼灣裝吓，九一一都唔驚，點知佢會唔會去咗睇風？八方想打電話畀佢位新聞秘書朱小姐，但係打足一晚都唔通，問新聞處，都話搵唔到他倆，真叫人擔心。
煲呔掃街成功，抵得諗有好報重計劃去完美國去歐洲，跟住到韓國推銷香港，實行做離岸司長，自己搵嘢嚟做，費時理老董，都明智嘅。（後記：新聞處朱小姐終於喺晚上十一點半報平安，行程要改，但人冇事喎。）
傳真︰2623-9278
電郵︰