「屋企冇雪櫃用，想將啲餸菜冷藏擺過夜都唔得，真係好唔方便！」與十一歲女兒相依為命的單親媽媽張女士向記者訴說。
四十六歲的張女士，早前與丈夫仳離後靠領綜援金維持家計，生活捉襟見肘。她皺着眉說﹕「囡囡讀書有好多使費，例如周不時要買啲指定材料同顏色筆上美術堂、對黑皮鞋同運動鞋唔啱着又要換過對，所以我哋每個月都好難有錢剩，而且唔慳唔得。」張女士說，女兒今年就讀小學五年級，學業成績中等。
張女士原籍番禺，自幼在鄉間耕田幹活；婚後移居香港，曾先後任職菜販及酒樓散工，刻苦耐勞。可是，近年張女士飽受風濕痛和骨質疏鬆症折騰，難以自食其力。「我對右腳特別痛得緊要，𠵱家連行路都唔夠力，晚晚要搽藥膏至令筋骨舒服啲。」她苦着臉說。
張女士現需要一部雪櫃冷藏食物，盼讀者施予援手。「個舊雪櫃壞咗之後，呢幾個月我無論點慳都儲唔到錢買番個嚟用，希望大家幫吓忙！」她由衷地呼籲。
捐款編號：C1108
暖流熱線
電話：29908688
傳真：23702192
電郵：
網址：