早前，本田為Fit（即港版Jazz）推出嘅四門房車版——FitAria，日前終於正式登陸中國大陸市場喇！呢款新車係由廣州本田車廠負責生產，而響國內會被稱為「飛度」；車子本身不但設備齊全，而且重會用上一台1.3公升直4i-DSI引擎，動力輸出充裕又慳油，加上四門三廂式設計，倍見有一份實用感。售價則由人民幣99,800元起，相信新車定會備受追捧呢！